ሓደ ናይ ዘተ ጕጅለ ንምብጋስ ከምዚ ዝስዕብ ክትገብር ትኽእል ኢኻ

1. ሓደ ጕጅለ ኣኽብ

ንዓርከ መሓዛ፡ መሳርሕቲ ወይ ጎረባብቲ ክሳተፉ ዝደልዩ እንተ ኾይኖም ሕተቶም። ኣበይን መዓስን ከም ትራኸቡ ወስኑ። ኣየኖት ፊልምታት ከም ትርእዩን ነቲ ፊልምታት ቅድሚ ምርኻብኩም በበይንኹም ዲኹም ወይ ብሓባር ኣብ ኣኼባኹም ትርእይዎም ምረጹ።

2. ነቲ ዘተ ዝመርሖ ምረጹ

ንስኻ መራሕ ዘተ ነቲ ዘተ ትመርሖን ንምይይጥ ተተባብዕን። ንኣብነት ሓደ ክፉት ሕቶ ሓቲትካ ኵሉ ሰብ ገለ ከም ዝብልን ትገብር።

3. ብዛዕባ እቶም ፊልምታት ሓቢርኩም ተዛረቡ

ነቶም ፊልምታታ ድሕሪ ምርኣይኩም ሓሳብኩም ተለዋወጡ። ነፍስ ወከፍ ፊልም ንስኻ መራሕ ዘተ ነቲ ዘተ ንምምራሕ ክትጥቀመሉ እትኽእል ሕቶታት ኣለዎ። ዝኾነ ሰብ ክምልሶ ዘይኽእል ሕቶ ምስ ዝህልወኩም፡ ብሓባር መልሱ ክትረኽቡ ክትፍትኑ ትኽእሉ ኢኹም።

4. ናይ ቀጻሊ ኣኼባኹም መደብ ኣውጽኡ

ኣብ ቀጻሊ መዓስን ኣበይን ከም ትራኸቡን፡ ሽዑ ብዛዕባ ኣየኖት ፊልምታት ከም ትዛረቡን  ወስኑ። ከምኡ’ውን ቀጻሊ ኣኼባ ዝሓሸን ዘተኣማምንን ንኽኸውን ገለ ክትገብርዎ ትኽእሉ ነገር እንተ ኣሎ ኮይኑ ተዘራረቡ።