دەربارەی فیلمەکە

لە فیلمی خەرمانەی زێدا زانیاری لەباری کونی زێ و ئەوەی کە شکڵی چۆنە پێشکەش دەکرێت. هیچ پەردەیەکی کچێنی لە ئارادا نیە کە کونی زێی داپۆشیبێت. لەبری کونی زێ دەڵێین خەرمانەی زێ. ئەوە هیچ راستییەکی نییە کە یەکەم جار کە سێکست هەیە واتە جووت دەبیت خوێنت لێ دێت و بەڕاستی ناتوانیت لە روواڵەتەکەیەوە بزانی کە ئاخۆ کەسێک سێکسی هەبووە یا نە.

پرسیارەکان کە دوای فیلمەکە بیریان لێ بکرێتەوە

١. ئایا شتێک لە فیلمەکەدا هەیە کە سەرسامت بکات یان بە تایبەتی کاریگەریی لەسەرت هەبێت؟

۲. خەرمانەی زێ چییە و لە کوێ هەڵکەوتووە؟ بۆ چێژوەرگرتن لە سێکس چی پێویستە و ئەو کاتە زێ چی بەسەر دێت؟

٣. ئەوەی کە کچان و ژنان هەمیشە یەکەم جار کە جووت دەبن خوێنیان لێدێت ڕاست نییە. ئەفسانەی پەردەی کچێنی، تێڕوانینێکی هەڵەیە سەبارەت بە چۆنیەتی شێوازی کیللەک و کە چۆن کار دەکات و ئەمە بۆ کۆنترۆڵکردنی ژیانی سێکسی ئافرەتان بەکار دێت. ئێمە پێکەوە چی بکەین بۆ ئەوەی ژنان خۆیان بڕیار بدەن کە ئایا دەیانەوێت سێکس بکەن، کەی و لەگەڵ کێدا؟

ئایا دەتەوێت باسی فیلمەکە بکەیت؟

قسەکردن لەگەڵ کەسێک سەبارەت بە فیلمەکە دەتوانێت گرنگ بێت و تێڕوانینێکی نوێت پێ بدات. لەوانەیە پرسیار و بیرکردنەوەت هەبێت کە باشە لەبری ئەوەی بەتەنها بیری لێبکەیتەوە لەگەڵ کەسانی تر باسی بکەیت. بە دەربڕین و گوێگرتن لە یەکتر دەتوانین پاڵپشتی وەربگرین و پێکەوە فێر بین.

ئایا دەتەوێت گروپێک دابمەزرێنیت و باسی فیلمەکان بکەیت؟ لێرەدا رێنوێنیت دەست دەکەوێت کە چۆن ئەم کارە بکەیت.