دەربارەی فیلمەکە

قەڵاچۆکرنی جنسیی ژنان یان خەتەنەکردن بەو مانایەیە کە بەشێک لە زێی کچەکە یان ژنەکە دەبڕدرێت یان بریندار دەکرێت. لە وڵاتی سوید و زۆرێک لە وڵاتەکاندا ئەم کارە قەدەغەیە. لەم فیلمەدا زانیاری لەبارەی شێوەکانی قەڵاچۆکردنی جنسی و دەرئەنجامە خراپەکانیان وەردەگریت. هەروەها ئەگەر ئەم ڕووداوانەت بەسەر هاتبێت بۆ وەرگرتنی یارمەتی ڕوو لە کوێ بکەی.

پرسیارەکان کە دوای فیلمەکە بیریان لێ بکرێتەوە

۱. فیلمەکە چ بیرکردنەوە یان هەستێک لە تۆدا دەورووژێنێت؟

۲. دوای بڕینی ئەندامی زاوزێی ژن دەشێت کە هەوەسی جنسیت هەبێت، چێژ لە سێکس وەربگریت و ئۆرگازم وەر بگریت. ئەگەر تووشی بڕینی ئەندامی زاوزێ بووبیت، چ ڕێگەگەلێک بۆ چێژوەرگرتن لە سێکس هەیە؟

۳. ئەگەر دایکوباوک نەیانەوێت کچەکەیان خەتەنە بکرێت، بەڵام کەسوکاریان چاوەڕوانی ئەوە دەکەن، دایکوباوک دەتوانن چی بکەن؟ دایکوباوک پێویستیان بە چ پاڵپشتییەک هەیە؟

ئایا دەتەوێت باسی فیلمەکە بکەیت؟

قسەکردن لەگەڵ کەسێک سەبارەت بە فیلمەکە دەتوانێت گرنگ بێت و تێڕوانینێکی نوێت پێ بدات. لەوانەیە پرسیار و بیرکردنەوەت هەبێت کە باشە لەبری ئەوەی بەتەنها بیری لێبکەیتەوە لەگەڵ کەسانی تر باسی بکەیت. بە دەربڕین و گوێگرتن لە یەکتر دەتوانین پاڵپشتی وەربگرین و پێکەوە فێر بین.

ئایا دەتەوێت گروپێک دابمەزرێنیت و باسی فیلمەکان بکەیت؟ لێرەدا رێنوێنیت دەست دەکەوێت کە چۆن ئەم کارە بکەیت.