دەربارەی فیلمەکە

لە فیلمی ئەندامی زێی پیاودا زانیاری لەبارەی شکڵی چووک و هێلگەگوون و کردارەکانیان وەردەگریت. زانیاریی لەبارەی خەتەنەکردنی پیاو وەردەگریت و لەبارەی ئەندامی زاوزێ کە لەماوەی ژیاندا چ ئاڵوگۆڕێکی بەسەردا دێت. هەروەها زانیاری لەبارەی ئەوەی کە ئەگەر هاتوو گرفتی رەپبوونی چووکت هەبوو دەتوانی روو لە کوێ بکەیت و هۆکارەکانی دەتوانێ چی بێت.

پرسیارەکان کە دوای فیلمەکە بیریان لێ بکرێتەوە

۱. ئایا فیلمەکە شتێکی تێدایە کە پێشتر نەتزانیبێت؟ بۆچی هەبوونی زانیاری لەسەر ئەندامی زاوزێ باشە؟

۲. ئەندامەکانی زاوزێی کەسەکان جیاوازییان ھەیە، بەڵام هەندێک کەس بەهۆی ئەوە کە چووکیان بەو رادەیە گەورە نییە خەمگین و نیگەرانن. ئەمە بۆ وایە؟ چۆن دەتوانیت پاڵپشتی کەسێک بکەیت کە بەم جۆرە هەست دەکات؟

۳. بۆچی رەنگە قسەکردن لەسەر ئەندامی زاوزێ و سێکسوالیتە گران بێت؟ ئایا لەبارەی ئەندامی زاوزێی ژن و پیاو بە هەمان شێوە قسە دەکرێت؟

ئایا دەتەوێت باسی فیلمەکە بکەیت؟

قسەکردن لەگەڵ کەسێک سەبارەت بە فیلمەکە دەتوانێت گرنگ بێت و تێڕوانینێکی نوێت پێ بدات. لەوانەیە پرسیار و بیرکردنەوەت هەبێت کە باشە لەبری ئەوەی بەتەنها بیری لێبکەیتەوە لەگەڵ کەسانی تر باسی بکەیت. بە دەربڕین و گوێگرتن لە یەکتر دەتوانین پاڵپشتی وەربگرین و پێکەوە فێر بین.

ئایا دەتەوێت گروپێک دابمەزرێنیت و باسی فیلمەکان بکەیت؟ لێرەدا رێنوێنیت دەست دەکەوێت کە چۆن ئەم کارە بکەیت.